საქართველოში პირველად, შეიქმნა უნიკალური იდეა, რომელიც ეროვნული გმირების ისტორიას აერთიანებს ღვინის კულტურასთან, სადაც თითოეული სასაჩუქრე ყუთი და ბოთლი სცდება მხოლოდ ღვინის დანიშნულებას და გარდაიქმნება სიმბოლოდ - მეხსიერების, პატივისცემისა და ეროვნული იდენტობის გამოსახატად.
თითოეული სასაჩუქრე ყუთი შექმნილია განსაკუთრებული პასუხისმგებლობით, სიღრმისეული გააზრებითა და მაქსიმალური სიზუსტით - რათა ღირსეულად გადმოსცეს ის მნიშვნელობა, რომელსაც საქართველოს ეროვნული გმირები ქვეყნისათვის ატარებენ. ეს არ არის მხოლოდ ღვინო, როგორც პროდუქტი; ეს არის იდეის მატერიალიზაცია, სადაც მთავარ მიზანს წარმოადგენს ფორმისა და შინაარსის სრული თანხვედრა ერთმანეთთან.
პროექტის შექმნის პროცესში უშუალოდ მონაწილეობდნენ ეროვნული გმირების ოჯახები, რომლებიც თავის მხრივ, იდეის განუყოფელ ნაწილს წარმოადგენენ. ოჯახის წევრთა ჩართულობა იდეას დამატებით ავთენტურობასა და სიღრმეს სძენს, რაც მას არა მხოლოდ სიმბოლურ, არამედ რეალურ და ემოციურ საფუძველსაც ანიჭებს.
„გმირების ღვინის“ იდეის მიზანია საქართველოს ყველა ეროვნული გმირისადმი მიძღვნილი სასაჩუქრე ყუთების ეტაპობრივი გამოცემა. აღნიშნული მიზნის ფარგლებში, ჩვენი გუნდი მზადაა ეროვნული გმირების ოჯახის წევრებსა და შთამომავლებთან თანამშრომლობისთვის.
